نیتن یاہو امریکا کو دوبارہ جنگ میں دھکیلنے کی کوشش کررہے ہیں، ایرانی وزیر خارجہ کا دعویٰ
‘امریکا اور اسرائیل نے فوجی حملوں کے ذریعے ایران کو ختم کرنے کی کوشش کی’
-
ویب ڈیسک -
October 19, 2026
ایرانی وزیر خارجہ عباس عراقچی نے دعویٰ کیا ہے کہ اسرائیلی وزیراعظم نیتن یاہو امریکا کو ایک بار پھر ایران کے ساتھ جنگ میں دھکیلنے کی کوشش کر رہے ہیں۔
غیرملکی میڈیا کے مطابق اپنے ایک بیان میں عباس عراقچی کا کہنا تھا کہ اگر امریکا اور اسرائیل دوبارہ ایرانی قوم کو آزمانا چاہتے ہیں تو انہیں ایسا کرنے کا اختیار ہے تاہم اس بار ہمیں پہلے سے زیادہ محتاط رہنا ہوگا۔
ایرانی وزیر خارجہ نے مزید کہا کہ امریکا اور اسرائیل نے فوجی حملوں کے ذریعے ایران کو ختم کرنے کی کوشش کی لیکن ایران اس جنگ سے پہلے کے مقابلے میں زیادہ مضبوط ہوکر سامنے آیا ہے۔
