بلوچستان میں سیکیورٹی فورسز کا آپریشن، 6 دہشتگرد ہلاک، 9 مشتبہ افراد گرفتار
آخری دہشتگرد کے خاتمے تک آپریشن جاری رکھنے کا عزم ظاہر کیا گیا ہے، سیکیورٹی ذرائع
-
ویب ڈیسک -
September 22, 2026
بلوچستان کے علاقے ساران تنگی میں سیکیورٹی فورسز نے خفیہ اطلاعات پر فتنہ الہندوستان کے دہشتگردوں کے خلاف کارروائی کی جس کے دوران 6 دہشتگرد ہلاک اور 9 مشتبہ افراد کو گرفتار کرلیا گیا۔
سیکیورٹی ذرائع کے مطابق آپریشن شعبان 2 کے تحت کی جانے والی کارروائی میں ہلاک دہشتگردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
سیکیورٹی ذرائع کا کہنا ہے کہ دہشتگردوں کے خلاف کارروائیاں جاری ہیں اور آخری دہشتگرد کے خاتمے تک آپریشن جاری رکھنے کا عزم ظاہر کیا گیا ہے۔
