مری میں اسکول وین کو حادثہ، آگ لگنے سے 10 بچے جھلس گئے
اسکول وین حادثے کے بعد پبلک ٹرانسپورٹ کے خلاف کریک ڈاؤن کا فیصلہ کرلیا گیا ہے
-
ویب ڈیسک -
September 29, 2026
مری میں اسکول کے بچوں کو لے جانے والی وین حادثے کا شکار ہو گئی جس کے نتیجے میں 10 بچے اور ڈرائیور جھلس کر زخمی ہو گئے۔
مری میں لوئرموہڑا بڑا ہوتر کےقریب سوزوکی بولان بےقابو ہو کرسڑک سےنیچے جا گری،حادثے کے بعد گاڑی میں اچانک آگ بھڑک اٹھی،حادثے میں 10 بچے جھلس کر زخمی ہوگئے۔
ریسکیواہلکاروں نےفوری کارروائی کرتےہوئےتمام بچوں کوگاڑی سےبحفاظت نکال لیا اور ابتدائی طبی امداد کے بعدسول ہسپتال مری منتقل کر دیا،فائر فائٹنگ ٹیم نے گاڑی میں لگی آگ پر قابو پالیا۔
ابتدائی رپورٹ کےمطابق وین میں ڈرائیور سمیت11 افراد سوارتھے، میں 8 افراد کی گنجائش تھی،گاڑی میں11 افراد کی موجودگی مقررہ گنجائش سے زائد تھی،گاڑی میں سوار تمام 11 افراد آگ لگنے سے زخمی ہوئے،وین میں آگ مبینہ طور پر بیٹری میں اسپارکنگ سے لگی،حادثے کے وقت گاڑی میں فائر ایکسٹنگوئشر موجودنہیں تھا۔
اسکول وین حادثے کے بعد پبلک ٹرانسپورٹ کے خلاف کریک ڈاؤن کا فیصلہ کرلیا گیا ہے،ڈی پی اورضا تنویر سپرا نے ٹریفک انفورسمنٹ مزید سخت کرنے کی ہدایت کردی،اوورلوڈنگ، گیس سلنڈر،فٹنس اورروٹ پرمٹ کی جانچ سخت ہوگی۔
