کشمیریوں سے اظہارِیکجہتی کے لیے آئی ایس پی آرکا خصوصی نغمہ جاری
نغمہ مقبوضہ کشمیر کے عوام کی ثابت قدمی، امید، جدوجہدِ آزادی اور لازوال قربانیوں کوخراج تحسین پیش کرتا ہے
-
ویب ڈیسک -
October 27, 2026
27 اکتوبر یومِ سیاہ کشمیر پر کشمیریوں سے اظہارِیکجہتی کے لیے آئی ایس پی آر نے خصوصی نغمہ جاری کردیا۔
نغمہ کے دلوں کو چھو لینے والے بول اور ولولہ انگیز دھن، کشمیریوں کے عزم، حوصلے اور آزادی کی امید کا پیغام ہے، نغمہ میں جنت نظیروادیِ کشمیرمیں بھارتی قتل وغارت اورخواتین وبچوں پربہیمانہ مظالم اور قربانیوں کواجاگر کیا گیا۔
یہ نغمہ مقبوضہ کشمیر کے عوام کی ثابت قدمی،امید، جدوجہدِ آزادی اور لازوال قربانیوں کوخراج تحسین پیش کرتا ہےحریت رہنما سید علی گیلانی، میرواعظ عمر فاروق اوربرہان وانی کو جدوجہد آزادی کی نمایاں شخصیات کے طورپر پیش کیا گیا۔
نغمہ میں ابھی نندن کی گرفتاری اورمیزائل فائرنگ کے واقعات کے ذریعے پاکستان کی دفاعی تیاری اورعزم کا پیغام دیا گیا، نغمہ کے اختتام پر پاکستان کی عسکری قیادت کی جانب سے بھارتی مظالم کے خلاف کشمیری عوام کی جدوجہد کی حمایت کا اعادہ کیا گیا۔
