امریکی شہر میامی کے بین الاقوامی ایئرپورٹ پر ٹیکسی کرتے ہوئے دو طیارے آپس میں ٹکرا گئے جس کے نتیجے میں دونوں طیاروں کو نقصان پہنچا تاہم کوئی جانی نقصان نہیں ہوا۔
غیرملکی میڈیا رپورٹس کے مطابق حادثہ اس وقت پیش آیا جب کوپا ایئرلائنز کے بوئنگ 737 مسافر طیارے کا ایک وِنگ یو پی ایس کے بوئنگ 767 کارگو طیارے کی ناک سے ٹکرا گیا۔
واقعہ میامی انٹرنیشنل ایئرپورٹ پر پیش آیا جہاں دونوں طیارے رن وے پر جانے کے لیے ٹیکسی کر رہے تھے۔
حادثے کے بعد دونوں طیاروں کو نقصان پہنچنے کی اطلاع ہے تاہم حکام کے مطابق کسی مسافر یا عملے کے رکن کے زخمی ہونے کی اطلاع نہیں ملی۔
