’آؤٹ آف کنٹرول ہوگئی‘! تنقید کے بعد ہانیہ عامر کا دلچسپ ردعمل وائرل
تنقید کے بعد ہانیہ عامر کی نئی پوسٹ نے مداحوں کی توجہ حاصل کرلی
-
ویب ڈیسک -
October 7, 2026
پاکستانی اداکارہ ہانیہ عامر نے اپنے بارے میں ہونے والی تنقید پر براہِ راست نام لیے بغیر منفرد انداز میں ردعمل دے دیا۔
حال ہی میں ماڈل و اداکارہ جیا علی نے ایک پروگرام میں ہانیہ عامر کے حوالے سے گفتگو کرتے ہوئے کہا تھا کہ انہیں اپنے رویے پر قابو رکھنا چاہیے۔
جیا علی کا کہنا تھا کہ ہانیہ عامر ’آؤٹ آف کنٹرول‘ ہوتی جا رہی ہیں جبکہ انہیں یہ بات سمجھنی چاہیے کہ وہ پاکستان کی نمائندگی کرتی ہیں اور انہیں اپنے رویے کا خیال رکھنا چاہیے۔
ہانیہ عامر نے اس تبصرے پر سوشل میڈیا کے ذریعے ردعمل دیا۔ اداکارہ نے انسٹاگرام پر اپنی چند تصاویر شیئر کیں اور کیپشن میں صرف ’آؤٹ آف کنٹرول ہو گئی‘ لکھا۔
ہانیہ نے اپنی پوسٹ میں کسی شخصیت کا نام نہیں لیا تاہم یہ پوسٹ جیا علی کے بیان کے وائرل ہونے کے چند گھنٹے بعد سامنے آئی جس کے باعث سوشل میڈیا صارفین اسے مذکورہ تبصرے کا بالواسطہ جواب قرار دے رہے ہیں۔
