افغان باشندوں کی بڑھتی غیر قانونی سرگرمیاں، میزبان ممالک کے لیے سنگین چیلنج
ایران کا غیر قانونی اور جرائم پیشہ افغان پناہ گزینوں کے خلاف کریک ڈاؤن جاری ہے
-
ویب ڈیسک -
November 5, 2026
افغان باشندوں کی بڑھتی غیر قانونی سرگرمیاں میزبان ممالک کی داخلی سلامتی اور امن و امان کے لیے سنگین چیلنج بن گئی ہیں۔
ایران کا غیر قانونی اور جرائم پیشہ افغان پناہ گزینوں کے خلاف کریک ڈاؤن جاری ہے مزید 2 افغانیوں کو پھانسی دے دی گئی۔
انسانی حقوق کی تنظیم ہینگاو کے مطابق ایران نے منشیات اسمگلنگ میں ملوث 2 افغان شہریوں کو اصفہان شہر کی دستگرد جیل میں پھانسی دے دی۔
ہینگاؤ کے مطابق پھانسی پانے والے افغان شہریوں کی شناخت 43 سالہ مبارک محمدی اور 49 سالہ قاسم ملا امینی کے نام سے ہوئی دونوں افغان شہریوں کا تعلق افغانستان کے صوبہ جوزجان کے شہر شبرغان سے تھا اور وہ ایران کے شہر مشہد میں مقیم تھے۔
افغانستان انٹرنیشنل کی رپورٹ کے مطابق رواں سال کے آغاز سے اب تک ایران میں مختلف جرائم میں ملوث کم از کم 27 افغان شہریوں کو سزائے موت دی جا چکی ہے پھانسی پانے والے افغان شہری منشیات اسمگلنگ، قتل، جاسوسی اور حکومت مخالف احتجاج سمیت مختلف جرائم میں ملوث تھے۔
