عوام کے لیے آج بھی پیٹرولیم مصنوعات کی قیمتوں میں معمولی کمی، نوٹیفکیشن جاری
نئی قیمتوں کا اطلاق 19 ستمبر سے 21 ستمبر 2026 تک ہوگا
-
ویب ڈیسک -
September 18, 2026
اوگرا نے حکومتی پٹرولیم پرائسنگ میکنزم کے تحت 19 سے 21 ستمبر 2026 کے لیے پٹرولیم مصنوعات کی ایکس ڈپو قیمتوں میں کمی کردی، جس کے بعد پٹرول اور ہائی اسپیڈ ڈیزل کی نئی قیمتیں مقرر کردی گئی ہیں۔
پٹرولیم ڈویژن کے اعلامیے کے مطابق ہائی اسپیڈ ڈیزل کی قیمت میں 88 پیسے فی لیٹر کمی کی گئی ہے، جس کے بعد ڈیزل کی نئی ایکس ڈپو قیمت 424 روپے 4 پیسے فی لیٹر مقرر ہوگئی ہے۔
اسی طرح پٹرول کی قیمت میں بھی 1 روپے 65 پیسے فی لیٹر کمی کردی گئی، جس کے بعد پٹرول کی نئی قیمت 389 روپے 14 پیسے فی لیٹر مقرر کی گئی ہے۔
اعلامیے کے مطابق پٹرولیم مصنوعات کی قیمتوں میں ردوبدل عالمی منڈی میں قیمتوں میں ہونے والی تبدیلیوں، پٹرولیم مصنوعات کے درآمدی اخراجات، پریمیم، پلَٹس ریٹس اور دیگر متعلقہ اخراجات کو مدنظر رکھتے ہوئے کیا گیا ہے۔
پٹرولیم ڈویژن کا کہنا ہے کہ اعلان کردہ قیمتیں عالمی مارکیٹ میں پٹرول اور ڈیزل کی قیمتوں سے منسلک ہیں اور حکومتی پٹرولیم پرائسنگ میکنزم کے تحت مقرر کی گئی ہیں۔
نئی قیمتوں کا اطلاق 19 ستمبر سے 21 ستمبر 2026 تک ہوگا۔ اس طرح مختصر مدت کے لیے پٹرول اور ڈیزل دونوں کی قیمتوں میں کمی کردی گئی ہے، تاہم عالمی منڈی میں خام تیل اور پٹرولیم مصنوعات کی قیمتوں میں آئندہ ہونے والی تبدیلیاں مستقبل کی قیمتوں پر بھی اثر انداز ہوسکتی ہیں۔