کراچی، گڈاپ فارم ہاؤس موبائل چوری کیس، مرکزی ملزم کی لوکیشن ٹریس
پولیس حکام نے مرکزی ملزم سے فون پر گفتگو بھی کی
-
ویب ڈیسک -
October 5, 2026
گڈاپ کے فارم ہاؤس سے 50 سے زائد لڑکیوں کے موبائل فون چوری ہونے کے معاملے میں پولیس نے اہم پیش رفت کرتے ہوئے مرکزی ملزم کے 4 میں سے 2 بھائیوں کو حراست میں لے لیا۔
پولیس کے مطابق مرکزی ملزم کی لوکیشن بھی ٹریس کرلی گئی ہے۔ ملزم کے اصل موبائل نمبر کی لوکیشن گوجرانوالہ سے ٹریس ہوئی، جبکہ پولیس حکام نے مرکزی ملزم سے فون پر گفتگو بھی کی۔
پولیس کے مطابق گفتگو کے دوران ملزم نے اپنی موجودگی کشمیر میں ظاہر کی۔ پولیس کا کہنا ہے کہ مرکزی ملزم کی گرفتاری کے لیے کوششیں جاری ہیں اور اسے جلد گرفتار کرلیا جائے گا۔
